Flamme når det bles

Av Vidar Aas (Fritt etter Elton John/Bernie Taupin: Candle in the Wind)

Kjære du var fin
Her er ein song til deg
Snill og god og kjærleg
Ville vere sterk og stolt
Du kunne vere dame
Var altfor fin for meg
Du hadde mange gode vener
Men du såg ein annan veg

Det verkar som du levde som
Ein flamme når det bles
Visste ikkje kvar å søke ly
Når det regna i ditt fjes
Eg skulle likt å kjent deg
Men eg var for sjenert
Flammen din har brunne ut
Men du er alltid her

Du tenkte alltid stort
Alt skulle vere fint
Heimen din var eit eventyr
Men livet er ikkje slik
Når vonde dagar kjem
Og angsten herjar deg
Då må du møte han
Og ikkje sjå ein annan veg

Kjære du var fin
Dette var ein song til deg
Snill og god og kjærleg
Ville vere sterk og stolt

Kjære du var fin
Frå ein stille gut frå ungdomsår
Som minnest smilet ditt og låtten din
Og som aldri gløymer deg

Eg skulle likt å kjent deg
Men eg var for sjenert
Flammen din har brunne ut
Men du er alltid her

Skriven til ei jente eg likte godt i ungdommen, som døydde så altfor tidleg. Eg sat i det opne landskapet på jobb og klarte ikkje å konsentrere meg om det eg skulle gjere. Så eg gjekk inn på eit møterom. Då kom desse orda til meg. Eg skriv ikkje nynorsk til vanleg, men dette blei på nynorsk. Det blei ekstra sterkt om kvelden den same dagen. Då ringte mor mi og fortalde at ei tante, som hadde ALS, var død. Så dette er til deg òg, tante. (Arendal, 23. mars 2010)

Mississippi

saaradiv.com

Start here